D Wanderig start bim Bahnhof Ausserberg und folget em historische Wanderwäg Lötschberger Südrampe. Das isch e klassischi Panoramaroute im Wallis, wo scho sit über 100 Jahr bekannt isch. Dr Wäg verläuft an dr sonnige Südflanke über em Rhonetal und gseht sowohl alpini Bergwelt wie au es bitzli mediterrane Charme.
Uf dr Strecke chunnt e spannende Stell: Du chasch wähle öb du dä rund 20 Minute lange Stolle under dr Fels durquere wos stockdunkel und chalt isch (drum Stirnlampe/Taschenlampe mitneh), oder öb du dr sonnige Umwäg nähsch, wo der a traditionelli Suone entlang führt. Suonen sind alte Bewässerigskanäl, wo scho im Mittelalter für d’Felder baut worde sind – i dere Region z. B. d’Niwärch-Suone oder d’Gorperi-Suone. Teilwiis verlauft dr Kanal direkt am Felsbändli – es speziells Stück Kultur- und Naturgschicht.
Während dr Wanderig begleitid dich immer wieder grandiosi Uussichte übers Rhonetal.
Am Ziel i Eggerberg fahr den en Zug direkt zrugg nach Ausserberg.
Tipp zum ikehre: Wenn mer sich no es Glace oder öppis Chleins gönne wott, eignet sich s’Restaurant bim Bahnhof Ausserberg am Beschte. Aber am beschte machts mers eifach Abhängig vu de Abfahrziite vum Zug ;)
Lexi's Tipp
Für bsunders muetigi gits ei Schlüsselstell uf de höchi Gorpeni Suone wommer usserhalb vumTunnel chan über Holzbretter laufe. Es sind zwar Seil im Fels verankered, trotzdem gohts ganz schön sLoch abe (siehe foto).
Alternativ chammer aber au ganz gmüetlich de Tunnel neh.
Route
